Jasprit Bumrah : ICC Men Test Cricketer of the Year 2024 જસપ્રીત બુમરાહ ભારત તરફથી આ ટાઇટલ જીતનાર છઠ્ઠો ક્રિકેટર બન્યો છે. આઇસીસીએ ટેસ્ટ ક્રિકેટર ઓફ ધ યર 2024 માટે ચાર ખેલાડીઓને નોમિનેટ કર્યા હતા
Jasprit Bumrah
ICC Men Test Cricketer of the Year 2024 : ભારતના ફાસ્ટ બોલર જસપ્રીત બુમરાહ માટે વર્ષ 2024માં શાનદાર રહ્યું હતું. તેણે માત્ર હોમગ્રાઉન્ડ પર જ નહીં પરંતુ વિદેશની ધરતી ઉપર પણ દરેક પરિસ્થિતિમાં ભારત માટે ક્રિકેટના લાંબા ફોર્મેટમાં જબરદસ્ત પ્રદર્શન કર્યું હતું. બુમરાહને તેના ઉત્કૃષ્ટ પ્રદર્શનનું ઈનામ મળ્યું છે અને આઇસીસીએ તેને વર્ષ 2024ના મેન્સ ટેસ્ટ ક્રિકેટર ઓફ ધ યર જાહેર કર્યો છે. બુમરાહ ભારત તરફથી આ ટાઇટલ જીતનાર છઠ્ઠો ક્રિકેટર બન્યો છે. બુમરાહ પહેલા આ એવોર્ડ રાહુલ દ્રવિડ, ગૌતમ ગંભીર, વિરેન્દ્ર સેહવાગ, આર અશ્વિન અને વિરાટ કોહલી જીતી ચુક્યા છે.
ટીમ ઈન્ડિયાના ફાસ્ટ બોલર જસપ્રીત બુમરાહ (Jasprit Bumrah)ને ICCએ મોટું સન્માન આપ્યું છે. ઈન્ટરનેશનલ ક્રિકેટ કાઉન્સિલ (ICC) એ જસપ્રીત બુમરાહને વર્ષ 2024નો મેન્સ ટેસ્ટ ક્રિકેટર ઓફ ધ યર સિલેક્ટ કર્યો છે.
જસપ્રીત બુમરાહે વર્ષ 2024માં 14.92 ની શાનદાર એવરેજથી 71 વિકેટ લીધી હતી. તે 2024માં ટેસ્ટ ક્રિકેટમાં સૌથી વધુ વિકેટ લેનાર બોલર છે. બુમરાહે બોર્ડર-ગાવસ્કર ટ્રોફી 2024-25માં 32 વિકેટ લીધી હતી.
બુમરાહ આઈસીસી ટેસ્ટ પ્લેયર ઓફ ધ યર બન્યો
આઇસીસીએ ટેસ્ટ ક્રિકેટર ઓફ ધ યર 2024 માટે ચાર ખેલાડીઓને નોમિનેટ કર્યા હતા, જેમાં બુમરાહની સાથે સાથે ઈંગ્લેન્ડનો જો રુટ અને હેરી બ્રુક તેમજ શ્રીલંકાનો કામિન્દુ મેન્ડિસ પણ સામેલ હતો. જોકે બુમરાહે ત્રણેયને પછાડી આ એવોર્ડ જીત્યો છે.
