Assembly Election Date 2024: ભારતીય ચૂંટણી પંચ (ECI) દ્વારા આજે હરિયાણા અને કેન્દ્રશાસિત પ્રદેશ જમ્મુ કાશ્મીરમાં વિધાનસભા ચૂંટણીની તારીખ જાહેર કરવામાં આવી છે. આ વર્ષના અંતમાં મહારાષ્ટ્રમાં પણ ચૂંટણી યોજાવાની છે.
Assembly Election Date 2024: જમ્મુ કાશ્મીરમાં ત્રણ તબ્બકામાં અને હરિયાણામાં એક તબ્બકામાં વિધાનસભા ચુંટણી યોજાશે, 4 ઓક્ટોબરના રોજ પરિણામ જાહેર થશે. જમ્મુ કાશ્મીરમાં 18 સપ્ટેમ્બરથી ત્રણ તબ્બકામાં ચુંટણી યોજાશે, જયારે હરિયાણા માં એક તબ્બકામાં 1 ઓક્ટોબરના રોજ ચુંટણી યોજાશે.
Assembly Election Date 2024
જમ્મુ અને કાશ્મીરમાં દસ વર્ષના અંતરાલ પછી ચૂંટણી યોજાશે કારણ કે છેલ્લી વિધાનસભા ચૂંટણી 2014માં યોજાઈ હતી. પીડીપી-બીજેપી ગઠબંધન સરકાર જૂન 2018 માં પડી ગઈ હતી જ્યારે પીડીપીએ તત્કાલિન મુખ્ય પ્રધાન મહેબૂબા મુફ્તીને સમર્થન પાછું ખેંચ્યું હતું. તાજેતરમાં, મુખ્ય ચૂંટણી કમિશનર રાજીવ કુમારની આગેવાની હેઠળ ચૂંટણી સંસ્થાના એક પ્રતિનિધિમંડળે જમ્મુ અને કાશ્મીરમાં ચૂંટણી તૈયારીઓની સમીક્ષા કરી હતી. મુલાકાત દરમિયાન જમ્મુમાં એક પ્રેસ કોન્ફરન્સ દરમિયાન, મુખ્ય ચૂંટણી કમિશનરે ભાર મૂક્યો હતો કે પંચ ત્યાં “વહેલામાં વહેલી તકે” ચૂંટણીઓ યોજવા માટે પ્રતિબદ્ધ છે.
જમ્મુ કાશ્મીર વિધાનસભા ચુંટણી 2024
જમ્મુ કાશ્મીર વિધાનસભા ચુંટણી 2024 ની વાત કરીએ તો જમ્મુ કાશ્મીરમાં ત્રણ ફેઝમાં ચૂંટણી યોજાશે. 18 સપ્ટેમ્બરે પ્રથમ ફેઝ, 25 સપ્ટેમ્બરે બીજા ફેઝમાં અને 1 ઓક્ટોબરે ત્રીજા તબક્કામાં ચૂંટણી યોજાશે.
આ પણ ખાસ વાંચો:
- મતદાર યાદી: ગુજરાતભરમાં 20 ઓગષ્ટથી મતદાર યાદી સુધારણા કાર્યક્રમ યોજાશે
- PM સૂર્ય ઘર યોજના: સરકાર આપી રહી છે 78000 રૂપિયા સુધીની સબસીડી
જમ્મુ-કાશ્મીરમાં વિધાનસભા બેઠકોની સંખ્યા વધીને 90 થઈ ગઈ છે. હવે જમ્મુમાં 43 અને કાશ્મીરમાં 47 સીટો હશે. PoK માટે માત્ર 24 સીટો આરક્ષિત છે. અહીં ચૂંટણી થઈ શકે નહીં. જ્યારે લદ્દાખમાં વિધાનસભા નથી. આ રીતે કુલ 114 બેઠકો છે જેમાંથી 90 બેઠકો પર ચૂંટણી યોજાશે. જમ્મુ ક્ષેત્રમાં, સાંબા, કઠુઆ, રાજૌરી, કિશ્તવાડ, ડોડા અને ઉધમપુરમાં એક-એક સીટ વધારવામાં આવી છે. કાશ્મીર ક્ષેત્રમાં કુપવાડા જિલ્લામાં એક બેઠકનો વધારો કરવામાં આવ્યો છે.
હરિયાણા વિધાનસભા ચુંટણી 2024
જ્યારે હરિયાણામાં વર્તમાન સરકારનો કાર્યકાળ 3 નવેમ્બર 2024ના રોજ સમાપ્ત થશે અને રાજ્યમાં 90 વિધાનસભા મતવિસ્તારોમાં ચૂંટણી યોજાવાની છે. 2019ની ચૂંટણી પછી, 90 સભ્યોની વિધાનસભામાં 40 બેઠકો સાથે ભાજપે JJP સાથે ગઠબંધન સરકાર બનાવી. જેજેપીએ 10 બેઠકો જીતી હતી જ્યારે કૉંગ્રેસને 31 બેઠકો મળી હતી. આ વર્ષની શરૂઆતમાં ભાજપ-જેજેપી ગઠબંધન તૂટી ગયું હતું. હરિયાણામાં 2024માં ભાજપ, કૉંગ્રેસ, JJP અને AAP વચ્ચે હરીફાઈ થવાની સંભાવના છે. ચૂંટણી પંચ 288 સભ્યોની મહારાષ્ટ્ર વિધાનસભા માટે વિધાનસભા ચૂંટણીના કાર્યક્રમની જાહેરાત પછીથી કરે તેવી શક્યતા છે.
