રાજસ્થાન રૉયલ્સને : ઈન્ડિયન પ્રીમિયર લીગ 2025 સંજૂ સેમસન ફિટનેસને
સંજુ સેમસનની ફિટનેસને લઈને અપડેટ
ઈન્ડિયન પ્રીમિયર લીગ 2025 (IPL 2025) સીઝન 22 માર્ચથી શરૂ થવા જઈ રહી છે. IPL 2025 પહેલા રાજસ્થાન રૉયલ્સ (RR) ટીમને લઈને એક મોટા સમાચાર સામે આવ્યા છે. રાજસ્થાન રૉયલ્સ (RR)ના કેપ્ટન સંજુ સેમસનની ફિટનેસને લઈને એક મોટું અપડેટ સામે આવ્યું છે. રાજસ્થાન રૉયલ્સ (RR) ને IPL 2025 માં તેની પ્રથમ મેચ 23 માર્ચે સનરાઇઝર્સ હૈદરાબાદ (SRH) સામે રમવાની છે.
સંજુ સેમસનની ફિટનેસને લઈને અપડેટ
રાજસ્થાન રૉયલ્સ (RR)ના કેપ્ટન સંજુ સેમસનને ઈંગ્લેન્ડ સામેની T20I સિરીઝ દરમિયાન તેની તર્જની આંગળીમાં ફ્રેક્ચર થયું હતું. આવી સ્થિતિમાં, તેને ઈન્ડિયન પ્રીમિયર લીગ (IPL) 2025 પહેલા બેંગલુરુમાં સેન્ટર ઓફ એક્સેલન્સ દ્વારા બેટિંગ કરવાની પરવાનગી આપવામાં આવી છે. પરંતુ હજુ સુધી એ અંગે કોઈ જાણકારી નથી મળી કે તે IPLમાં વિકેટકીપિંગ કરી શકશે કે નહી.
મીડિયા રિપોર્ટ્સ અનુસાર, સેન્ટર ઓફ એક્સેલન્સના ફિઝિયો, સેમસનની બેટિંગ કરવાની ક્ષમતાથી સંતુષ્ટ છે, પરંતુ તેઓ વિકેટકીપિંગ કરતી વખતે ક્રિકેટરના કમ્ફર્ટ લેવલને પણ ચેક કરવા ઈચ્છે છે. જો સેમસનને વિકેટકીપિંગ માટે પરવાનગી નહીં મળે તો ધ્રુવ જુરેલને ટીમનો વિકેટકીપર બનાવવામાં આવી શકે છે. જુરેલને ફ્રેન્ચાઇઝીએ 14 કરોડ રૂપિયામાં રિટેન કર્યો હતો. ટીમમાં અન્ય કોઈ વિકેટકીપર-બેટ્સમેન નથી.
