અમદાવાદમાં કોલ્ડપ્લેના સિંગરે જસપ્રીત બુમરાહ માટે ગીત ગાયું : , આ દરમિયાન સિંગર ક્રિશ માર્ટિને જસપ્રીત બુમરાહ માટે એક ગીત ગાયું હતું. જેમાં ક્રિશે જસપ્રીત બુમરાહને બ્યુટિફુલ ભાઈ કહીને પછી તેની એક વાતથી અણગમો હોવાનું પણ કહી દીધું હતું.
કોલ્ડપ્લે બેન્ડનો ફાઈનલ કોન્સર્ટ રવિવારે અમદાવાદમાં યોજાયો. આ દરમિયાન, બેન્ડના ફ્રન્ટમેન ક્રિસ માર્ટિને ‘વંદે માતરમ’ અને ‘મા તુઝે સલામ’ ગાઈને 76મા પ્રજાસત્તાક દિવસની શુભેચ્છા પાઠવી. આ પછી તેમણે કોન્સર્ટનો અંત કર્યો.
કોલ્ડપ્લેના સિંગરે બુમરાહના વખાણ
લ્ડપ્લે બેન્ડ ભારતમાં આવીને અદ્ભૂત અનુભૂતિ થઈ છે, બેન્ડના સિંગર ક્રિશ માર્ટિને જસપ્રીત બુમરાહને જોઈને તેના માટે તાત્કાલિક એક ગીત બનાવીને ગાયું હતું. આ દરમિયાન જસપ્રીત બુમરાહના કેવા હાવભાવ હતા તે પણ એક વીડિયોમાં જોવા મળી રહ્યું છે. ક્રિશ માર્ટિને પોતાના ગીતના શબ્દો સાથે એવી લાગણી પણ વ્યક્ત કરી દીધી કે તેને ક્યારે જસપ્રીત બુમરાહ ગમતો નથી. ઈંગ્લેન્ડનું વર્લ્ડ ફેમસ બેન્ડ અમદાવાદમાં હતું ત્યારે બે દિવસનો વિશાળ કાર્યક્રમ યોજવામાં આવ્યો હતો. આ કોન્સર્ટમાં માત્ર ગુજરાત જ નહીં પરંતુ દેશ અને દુનિયાના લોકો ઉપસ્થિત રહ્યા હતા જેમાં ક્રિકેટ જગતની ખ્યાતનામ હસ્તી જસપ્રીત બુમરાહ પણ હાજર રહ્યો હતો અને કોલ્ડપ્લેએ પોતાના કોન્સર્ટમાં બુમરાહનો ઉલ્લેખ પણ કર્યો હતો.
શો દરમિયાન, ક્રિકેટર જસપ્રીત બુમરાહ પણ અમદાવાદના નરેન્દ્ર મોદી સ્ટેડિયમ પહોંચ્યો. તેને જોઈને ક્રિસ માર્ટિને પણ એક ગીત ગાયું. ક્રિસે કહ્યું- જસપ્રીત, મારા સુંદર ભાઈ, ક્રિકેટનો શ્રેષ્ઠ બોલર, અમને તને ઇંગ્લેન્ડની વિકેટ લેતા જોવાની મજા ન આવી.
અમદાવાદમાં 26મી જાન્યુઆરીએ યોજાયેલા કોન્સર્ટમાં 31 વર્ષનો વર્લ્ડ નંબર-1 બોલર જસપ્રીત બુમરાહ પણ હાજર રહ્યો હતો, જેમાં તેનો એક વીડિયો વાયરલ થઈ રહ્યો છે. જે વીડિયો વાયરલ થયો છે તેમાં જસપ્રીત બુમરાહ દેખાય છે અને કોલ્ડપ્લે બેન્ડનો સિંગર ક્રિશ માર્ટિન તેના પર એક ગીત ગાઈ રહ્યો છે.
ક્રિશ માર્ટિન બુમરાહ.. બુમરાહ.. સાંભળીને સમજી જાય છે કે કોની વાત કરવામાં આવી રહી છે, પછી તે કહે છે હા મને યાદ આવી ગયું.. યાદ આવી ગયું.. જસપ્રીત.. જસપ્રીત.. હા જસપ્રીત મારો સુંદર ભાઈ.. ક્રિકેટની દુનિયાનો સૌથી સારો બોલર.. અમને મજા નથી આવતી જ્યારે તમે ઈંગ્લેન્ડને વિકેટ પર વિકેટ લઈને ધરાશાઈ કરો છો..
આ દરમિયાન જસપ્રીત બુમરાહના હાવભાવ જોવા જેવા થયા હતા. તે આનંદની લાગણીની સાથે આટલી ભીડની વચ્ચે પોતાનું નામ બોલાતા શરમાતો પણ હતો.
કોલ્ડપ્લે બેન્ડે 2016 માં મુંબઈમાં આયોજિત ગોલ્ડન સિટીઝન ફેસ્ટિવલમાં પર્ફોર્મ કર્યું હતું. આ શોમાં 80 હજાર લોકો હાજર રહ્યા હતા, જેમાં ઘણા બોલિવૂડ સેલેબ્સનો પણ સમાવેશ થાય છે. હવે 9 વર્ષ પછી બેન્ડ ફરી ભારત પરત ફર્યું છે. કોલ્ડપ્લેના ગીતો “હિમન ફોર ધ વીકેન્ડ”, “યલો”, “ફિક્સ યુ” ભારતમાં ખૂબ જ લોકપ્રિય છે.
કોલ્ડપ્લેએ સપ્ટેમ્બરમાં જાહેરાત કરી હતી કે તેઓ 18 અને 19 જાન્યુઆરી 2025ના રોજ મુંબઈના ડીવાય પાટિલ સ્પોર્ટ્સ સ્ટેડિયમ ખાતે બે કોન્સર્ટ કરશે. પરંતુ લોકોની માંગને કારણે, બેન્ડે 21 જાન્યુઆરીએ તે જ સ્થળે ત્રીજા શોની જાહેરાત કરી. 25 અને 26 જાન્યુઆરીના રોજ અમદાવાદમાં બે શો યોજાયા હતા, જેમાં લગભગ 2 લાખ લોકોએ હાજરી આપી હતી.
કોલ્ડપ્લે વિવાદોમાં પણ રહ્યું છે. 2012માં, ‘પ્રિન્સેસ ઓફ ચાઇના’ ગીત પર ચીની અને જાપાની સંસ્કૃતિની મજાક ઉડાવવાનો આરોપ મૂકવામાં આવ્યો હતો. 2016માં કોલ્ડપ્લે પર ‘હિમન ફોર ધ વીકેન્ડ’ ગીતમાં ભારતીય સંસ્કૃતિનું અપમાન કરવાનો આરોપ મૂકવામાં આવ્યો હતો. બેન્ડ પર ‘વિવા લા વિડા’ ગીત ચોરી કરવાનો આરોપ મૂકવામાં આવ્યો હતો અને યુદ્ધ દરમિયાન ઇઝરાયલમાં પ્રદર્શન કરવા બદલ વિવાદનો પણ સામનો કરવો પડ્યો હતો.
કોલ્ડપ્લે બેન્ડની શરૂઆત 1997માં લંડનમાં થઈ હતી. આ બેન્ડમાં ક્રિસ માર્ટિન, જોની બકલેન્ડ, ગાય બેરીમેન, વિલ ચેમ્પિયન અને ફિલ હાર્વેનો સમાવેશ થાય છે. કોલ્ડપ્લેએ 39 નોમિનેશનમાંથી સાત વખત ગ્રેમી એવોર્ડ જીત્યો છે
